Policia rajonale e Prizrenit ka bërë të ditur se ka arrestuar një person në rrugën “Mbreti Pleurat”, i cili dyshohet se kishte ushtruar dhunë ndaj gruas së tij.

Pas kontrollit, në shtëpinë e tij policia ka gjetur edhe armë që i posedonte pa leje, shkruan Indeksonline.

Ja njoftimi i policisë:

Në orët e mbrëmjes policia në Prizren ka kuptuar për një rast të dhunës familjare që kishte ndodhur në një shtëpi në rrugën “Mbreti Pleurat”.  Pas inicimit të rastit është kuptuar se i dyshuari e kishte sulmuar fizikisht bashkëshorten dhe e njëjta është trajtuar nga mjekët e Emergjencës Rajonale në Prizren.

Me qellim të eliminimit të rrezikut për viktimën, hetuesit kanë ushtruar një kontroll në shtëpinë e të dyshuarit, në prezencë të tij dhe dëshmitarëve ku kanë gjetur dhe sekuestruar:

Një kallashnikov me numër serik 0119133

Një pushkë gjysmë automatike Mod 10 me numër serik 14002434;

Një pistoletë M57 kalibri 7.62mm

18 fishekë të kalibrit 7.65mm

9 fishekë të kalibrit të panjohur dhe

Dylbi për armë të gjatë.

Lidhur me veprimet e ndërmarra është konsultuar prokurori i shtetit i cili ka urdhëruar që i dyshuari të ndalët në masën e arrestit policor.